Sunday, 14 February, 2010

या खुर्चीवर, या सत्तेवर, शतदा प्रेम करावे

|| विडंबन ||

या खुर्चीवर, या सत्तेवर, शतदा प्रेम करावे

चंचल सारा, हे मतदारा, रूजली काळी नाती
वाटून वाटून खावी तशी ही वाट्यास आली खाती
खाते खादाड बघून कुणाचे, दातात ओठ धरावे.

नोटांचा वाटूनिया खोका, सत्ता धारण केली
बहूमताच्या काठावरती, नोटांचीच बोली
पहा अपक्षांचे स्वाहा: सोहळे, येथे खिसे भरावे

लाचारांच्या दाबल्या ओठांतून, हाक चोंबडी येते
लोकशाहीवर प्रेम आमुचे, पुन्हा वदवून घेते
सता आणि मत्तेसाठी, एकमेकांवर झुरावे

या नोटांनी जिंकून घेईन, हजारदा ही खाती
अनंत मरणे वापरून घ्यावी, इथल्या व्होटींगसाठी
इथल्या पेपरच्या पानावरती, अवघे जाहिरातावे

-सूर्यकांत डॊळसे,पाटोदा (बीड)

(कविवर्य मंगेश पाडगावकर यांची माफी मागुन)

2 comments: