Tuesday, December 29, 2009

अतिरेकी पोसता पोसता काय गत झाली !

अतिरेकी पोसता पोसता काय गत झाली !

अतिरेकी पोसता पोसता काय गत झाली !
अरे, पुन्हा पाकिस्तानच्या मिटवा मशाली !

त्यांनी कश्मिरचीही आस का धरावी ?
जे कधीच नव्हते त्यांचे वाट का पहावी ?
कसा पाक अमेरिकेच्या वाहतो पखाली !

तेच घाव करिती फिरुनी ह्या नव्या कट्यारी;
तोच दंश करिती हिरवे साप हे विषारी !
आम्ही आज ऐकत असतो त्यांचीच खुशाली !

धर्मात केले त्यांनी बंद स्वर्ग साती,
आम्हावरी अतिरेक्यांची पडे धूळमाती !
फुकट मेले अतिरेकी ज्यांच्या प्रेता ना वाली !

असे कसे पाकड्यांनी जोडले घरभेदी?
असे कसे पाकधार्जिने, येथे होतसे खरेदी ?
ह्या अपार दुःखातही जॅकेटची दलाली !

उभा पाक झाला आता एक बॉम्बशाला
जिथे बेनझीरचाही रंग त्यांना ना कळाला !
कसे भुत्तो दुर्दैवी अन्‌ बाकी भाग्यशाली !

धुमसतात अजुनी फेकल्या बॉम्बचे निखारे !
अजुन रक्त मागत उठती धर्मांध सारे !
आसवेच अतिरेकाची पाकड्यांना मिळाली !

-सूर्यकांत डॊळसे,पाटोदा (बीड)

(कविवर्य सुरेश भट यांची मन:पूर्वक माफी मागून)

Sunday, December 27, 2009

बायको होता होता ती मेहूणीच झाली ......सूर्यकांत डोळसे यांचे विडंबन कविता,


ll विडंबन कविता ll

बायको होता होता ती मेहूणीच झाली ! 

बायको होता होता ती मेहूणीच झाली ! 
आता पुन्हा भविष्यांच्या पेटवा मशाली ! 

आम्ही नेमकी तिचीच आस का धरावी ? 
जे कधीच नव्हते त्याची वाट का पहावी ? 
कसा ’सूर्य’ शब्दांच्या वाहतो पखाली ! 


तीच घाव करिते फिरुनी ह्या जुन्या जखमावरी ; 
तोच दंश करिती आम्हा मनस्ताप हे विषारी ! 
आम्ही मात्र ऐकत असतो माहेरची खुशाली ! 

 तिजोर्‍यात केले हिने बंद जन्म साती, 
आम्हावरी संसारची पडे धूळमाती ! 
आम्ही ते दिवाने, ज्यांना पटली ना साली ! 

अशा कुठे अजून आम्ही गाडल्या उमेदी ? 
असा कसा जो तो येथे होतसे घरभेदी ? 
ह्या अपार दुःखाचीही चालली टवाळी ! 

उभा संसार झाला आता एक बंदीशाला 
जेंव्हा सालीचा घाणा बायकोस कळाला ! 
कशी मेहूणी दुर्दैवी अन्‌ बायको भाग्यशाली ! 

धुमसतात अजुनी विझल्या चित्ताचे निखारे !
अजुन स्वप्न जागत उठती उपट्सुंभ सारे !
आसवेच लग्नानंतर आम्हाला मिळाली ! 

बायको होता होता ती मेहूणीच झाली ! 
आता पुन्हा भविष्यांच्या पेटवा मशाली ! 

-सूर्यकांत डॊळसे,पाटोदा(बीड)
मोबाईल-9923847269

27 डिसेंबर 2009

(कविवर्य सुरेश भट यांची मन:पूर्वक माफी मागून)

Monday, December 21, 2009

आनंदी आनंद गडे, दारूच दारू चोहिकडे.....सूर्यकांत डोळसे यांची विडंबन कविता


 विडंबन कविता


आनंदी आनंद गडे, 
दारूच दारू चोहिकडे 

वरती खाली ग्लास भरे, 
चकण्यासंगे दारू घे रे 
ग्लासही भरला, 
दिशांत फिरला, चकणा चरला 
मोद विहरतो चोहिकडे ! 

ओले ओले क्षण सोनेरी हे, 
मदिरा ही हसते आहे 
खुलली संध्या फेसाने, 
आनंदे गाते गाणे 
बघ रंगले, मस्त दंगले, 
गान स्फुरले इकडे, तिकडे,
चोहिकडे! 

डोळ्यासमोर नक्षत्र कसे, 
डोकावुनि हे पाहतसे 
कुणास बघते ? पेगाला; पे
ग भेटला का त्याला ? 
ग्लासामधे तो, सदैव वसतो, 
सुखे विहरतो इकडे, तिकडे, 
चोहिकडे! 

ज्वारी,मका,बाजरी, 
बोलते सरकार स्वंये किती? 
गुळ मनोहर कूजती रे, 
मोहाला मोहतात बरे ? 
नयन आकसले, डोकेही गुंगले, 
डोलत वदले इकडे, तिकडे, 
चोहिकडे! 

दारूच्या या बाजारात, 
किती पेताड पितात ? 
त्यांना मोद कसा मिळतो, 
सोडुनि स्वार्था तो 
जातो द्वेष संपला, 
मत्सर गेला, 
आता उरला इकडे, तिकडे, 
चोहिकडे ....

-सूर्यकांत डॊळसे,पाटोदा(बीड)
मोबाईल-9923847269

(बालकविंची मन:पूर्वक क्षमा मागुन)

Monday, December 14, 2009

या नेत्यांनो........सूर्यकांत डोळसे यांचे विडंबन कविता,

विडंबन कविता


या नेत्यांनो... 

या नेत्यांनो, या रे या ! 
लवकर भरभर सारे या ! 
मजा करा रे, मजा मजा ! 
हेच दिवस तुमचे समजा. 

मस्त असे, जनता फसे; 
नवभूमी दाविन मी, 
त्या नगराला लागुनिया 
सुंदर ही दुसरी दुनिया. 

या नेत्यांनो! या रे या ! 
लवकर भरभर सारे या !
खळखळ थोडी करती खरे, 
लोक झोपले चहुंबाज बरे; 

जिकडे तिकडे माल मिळे, 
जनता विसरे, सगळे-सगळे. 
मत जयांचे, सोन्याचे पाजावे, 
माजावे. 
तर मग कामें टाकुनी या 
हवी बघाया ही दुनिया ! 
या नेत्यांनो, या रे या !
लवकर भरभर सारे या ! 

उघडे दरवाजे चोरांना, 
लावुया चुना थोरांना, 
नोटा फडकिल्या घोड्यांना, 
मौज न दिसे ही वेड्यांना. च
पलगती, खाऊ किती ? 
हे खावे? ते खावे? 
तर हात लवकर धुवुनी या 
हवी बघाया ही दुनिया ! 
या नेत्यांनो, या रे या 
लवकर भरभर सारे या ! 


-सूर्यकांत डॊळसे,पाटोदा(बीड)
मोबाईल-9923847269


 (कविवर्य भा.रा.तांबे यांची क्षमा मागुन)

Monday, December 7, 2009

घाल घाल पिंगा नार्‍या.......सूर्यकांत डोळसे यांचे विडंबन कविता,

|| विडंबन कविता ||


घाल घाल पिंगा नार्‍या...... 

घाल घाल पिंगा नार्‍य़ा, 
माझ्या परसात माघारी
जा, मिसकॉलची कर बरसात ! 
झक्कास आहे पोरगी,
सांग दोस्तांच्या कानात 

आई, बापापुढे आणि 
नको नको रे उन्हात ! 
विसरलास का रे तु, 
गॅदरींगला वर्ष झालं, 
बघून तुझा वेडेपणा,
माझ्या मनी हर्ष
आलं फिरुन-फिरुन सय येई, 
मोबाईल वाजतो 
पंजाबीच्या ओढणीचा शेव,
ओलाचिंब होतो. 

माझ्या शेजारची काळी नंदा 
खोडकर फार,
चिडवून चिडवून करी 
कशी,मला रे बेजार ! 
मनात तुझ्या 
आठवणीचा सडा पडे,
कधी फुलं वेचायला 
येशील तू गडे ? 

कॅंटीनच्या चहावर 
मऊ दाट साय 
माया तुझ्यावर दाट,
तशी तुझी आहे काय? 
आले भरून डोळे 
पुन्हा मिसकॉल भेटला 
न झालेल्या भेटीसाठी 
जीव आट्ला आटला ! 


- सूर्यकांत डॊळसे,पाटोदा (बीड) 


 (कवीवर्य कृ.ब.निकुंब यांची माफी मागुन)

Monday, November 30, 2009

माझ्या गोव्याच्या पुडीत....सूर्यकांत डोळसे यांचे विडंबन कविता

विडंबन कविता


माझ्या गोव्याच्या पुडीत 

माझ्या गोव्याच्या पुडीत 
गड्या गरळ मधाचे, 
कड्या-कपाऱ्यां मधुन 
दात फ़ुटती दुधाचे. 

माझ्या गोव्याच्या पुडीत 
चुन्या-तंबाखू रास, 
फो्डी तोंडाला पाझर 
आजूबाजुला सुवास. 

माझ्या गोव्याच्या पुडीत 
लाल रंगाचीकारागिरी, 
पाना-फ़ुलांची कुसर 
दिसेल त्या भिंतीवरी. 

माझ्या गोव्याच्या पुडीत 
असा आहे भपकारा 
गुटख्याची थुंकीचा 
रात्रंदिवस रे मारा. 

माझ्या गोव्याच्या 
पुडीत येते गोंदणे घरा, 
ओलावल्या पिंकांनी 
काढतो रांगोळी दारा. 

माझ्या गोव्याच्या पुडीत 
त्यांनी काय काय घातले?
चार हजार रसायणे 
त्यांनी त्यात हो ओतले. 

माझ्या गोव्याच्या पुडीत 
असे गळ्याचा रे घात, 
वाढी दोस्तीच्या मायेने 
माझ्या दोस्ताचा रे हात. 

माझ्या गोव्याच्या पुडीत 
निकोटीनचीच चांदी, 
आतिथ्याची, अगत्याची 
कर्क रोगाचीच नांदी. 

-सूर्यकांत डॊळसे,पाटोदा(बीड)
मोबाईल-9923847269

(कविवर्य बा. भ. बोरकर यांचे मनःपूर्वक क्षमा मागून)

Thursday, November 26, 2009

भेट तुझी माझी स्मरते..........सूर्यकांत डोळसे यांचे विडंबन कविता


विडंबन कविता


भेट तुझी माझी स्मरते......


भेट तुझी माझी स्मरते, अजून त्या दिसाची
धुंद वादळाची होती पिच पाकिस्तानची

तुझा तेंव्हा नव्हता, आजच्यासारखा दरारा
पाकड्यांच्या तोंडून वाहिला नुसताच वारा
तुला मुळी नव्हती बाधा, अब्दुलच्या फिरकीची

क्षुद्र लौकिकाची, खोटी झुगारुन नीती
नावगाव टाकून आली अशी क्रिकेट प्रीती
तुला तरी जाणिव नव्हती, तुझ्या साहसाची

धावांचे डॊंगर आहेत,अजून तुझ्या बॅटखाली
धावफलक सांगतात त्यांची किती शतके झाली
विक्रमांनी लिहीली गाथा, खेळलेल्या विसाची

बदडलास शेन वॉर्न वॉर्न केला त्याचा घास
स्वप्नातच स्वप्न दिसावे तसे त्यास भास
क्रिकेटलाही भोवळ आली मधुर सहवासाची

-सूर्यकांत डॊळसे,पाटोदा(बीड)
मोबाईल-9923847269

(कविवर्य मंगेश पाडगावकर यांची मनःपूर्वक क्षमा मागून)

२६नोव्हेंबर२००९

अबू अबू वढाय वढाय .....सूर्यकांत डोळसे यांचे विडंबन कविता

विडंबन कविता

अबू अबू वढाय वढाय 


अबू अबू वढाय वढाय 
उभ्या पीकातलं ढोर 
किती हाकला हाकला 
फिरी जातो वळणावर. 

अबू मोकाट मोकाट 
त्याले ठायी ठायी वाटा 
जशा तोर्‍याने चालल्या 
गटारतल्या रे लाटा 

अबू लहरी लहरी 
त्याले हाती धरे कोन? 
उंडारलं उंडारलं 
जसं वारा वाहादन 

अबू जह्यरी जह्यरी 
याचं न्यारं रे तंतर 
आरे, इचू, साप बरा 
त्याले उतारे मंतर! 

अबू पाखरू पाखरू 
त्याची काय सांगू मात? 
आता व्ह्ता मुंबईत 
गे्ला गेला यु.पी.त 

काढी चप्पल चप्पल 
त्याले नही जरा धीर 
त्याले सांगा समजून 
मग येईल जाग्यावर 

अबू एवढा एवढा 
जसा मिठाचा दाना 
सार्‍या देशात जसा 
एकटाच हा शहाणा 

अबू, कसं देलं मन 
असं नही दुनियात! 
आसा कसा रे तू 
अबू काय तुझी करामत! 

अबू,असं कसं मन? 
का संधान सांधल? 
लोकशाहीचं थडगं 
तुम्ही विधानसभेत बांधलं! 


-सूर्यकांत डॊळसे,पाटोदा(बीड)
मोबाईल-9923847269

(कवयित्री बहिणाबाई चौधरी यांची मनःपूर्वक क्षमा मागून)

सांगा कस मरायचं?...सूर्यकांत डोळसे यांचे विडंबन कविता

विडंबन कविता

सांगा कस मरायचं?

सांगा कस मरायचं? सांगा कस मरायचं? 
कण्ह्त कुण्ह्त की गाणं म्हणत तुम्हीचं ठरवा! 

डोळे वासून तुमची आठवण कोणीतरी काढतंच ना? 
शिळेपाके दोन घास तुमच्यापुढे वाढतंच ना? 
दोष देत बसायचं की रोष घेत बसायचं? 
तुम्हीचं ठरवा!

कळ्याकुट्ट कळोखात जेव्हा काही दिसत नसतं 
तुमच्या साठी कोणीही दवा घेऊन उभं नसतं 
कळोखात कुढायचं की प्रकाशात रडायचं ? 
तुम्हीचं ठरवा!

 बायकांत पॊट्टे रमुन बसतात हे अगदी खरं असतं; 
आणि नातू मांडीवर हसतात हे काय खरं नसतं? 
पोटट्यांसारखं रमायचं की नातवांसारखं दमायच? 
तुम्हीचं ठरवा! 

काळ बराच सरला आहे असं सुद्धा म्हणता येतं 
काळ थोडाच उरला आहे असं सुद्धा म्हणता येतं,
सरला आहे म्हणायचं की उरला आहे म्हणायचं? 
तुम्हीचं ठरवा! 

सांगा कस मरायचं? कण्ह्त कुण्ह्त 
की गाणं म्हणत तुम्हीचं ठरवा! 

-सूर्यकांत डॊळसे,पाटोदा(बीड)
मोबाईल-9923847269

(कविवर्य मंगेश पाडगावकर यांची मनःपूर्वक क्षमा मागून)

झुक झुक झुक झुक आगीनगाडी..सूर्यकांत डोळसे यांचे विडंबन कविता

विडंबन कविता

झुक झुक झुक झुक आगीनगाडी....


झुक झुक झुक झुक आगीनगाडी 
झुक झुक झुक झुक आगीनगाडी

झुक झुक झुक झुक आगीनगाडी 
बोटांच्या रेषा कानामागे काढी 
पळते सैनिक पाहूया,
काकाच्या गावाला जाऊया 

काकाचा गाव मोठा,
तिकीटासाठी मोजा नोटा 
शोभा पाहुनी घेऊया, 
काकाच्या गावाला जाऊया 

काकाचा पोरगा फोटोग्राफर,
म्हणेल कुठले हे लोफर? 
फोटो काढून घेऊया,
काकाच्या गावाला जाऊया. 

त्याचा पी.ए.सुगरण,
रोज रोज नवे प्रकरण 
मिलिंद मिलिंद गाऊया,
काकाच्या गावाला जाऊया 

काका मोठा चित्रकार,
व्यंग काढी बहारदार 
अग्रलेख नावे ठोकूया,
काकाच्या गावाला जाऊया 

 -सूर्यकांत डॊळसे,पाटोदा (बीड)
   मोबाईल-9923847269

(कविवर्य ग.दि. माडगूळकर यांची मनःपूर्वक क्षमा मागून)